Els Diederen 50 jaor bie Veldeke Valkeberg

Voorpagina » Nieuws » Cultuur » Els Diederen 50 jaor bie Veldeke Valkeberg

In de Ouw Kèrk in Valkeberg waor op zondig 18 september de 49ste Dialekmès van Veldeke Krink Valkeberg. In en nao de mès woort sjtilgesjtange bie de gouwe jubilea es lid én besjtuursjlid van Els Diederen (Els van Dedere). Veldeke ies ’n vereiniging die ziech inzèt veur de Limburgse volkscultuur, sjpeciaal de Limburgse sjtreektaal.

In 1967 woort de Krink Valkeberg opgeriech. Kort nao de opriechting ies Els lid gewore en vanaaf 1970 al ies zie besjtuurslid. Zie ies bekènd es motor van de vereiniging en van ’t Valkebergs dialek in ’t algemein. Veur häören oetveurigen inzat kreeg zie ’n bleumke en ’n oarkónde oet heng van ’t besjtuur en pesjtoar Jansen.

Foto Veldeke Valkeberg